Bertie's Blog: 26 Julie 2013-Grand Canyon

Grand Canyon.. een van die dae waarna ons met groot verwagting en opgewondenheid uitgesien het. Daar was ook n tikkie onsekerheid en angstiheid want al het ons beide al die Canyon gestap, was dit lank gelede en ons het (bietjie) ouer geword.

Ons het aanvanklik beplan om met die South Kaibad roete af te stap tot by die rivier en Phantom Ranch en dan tot by die Bright Angel roete om weer terug te stap boontoe. Hierdie roete sou ongeveer 17.5 myl ( ongeveer 27km) lank wees met n vertikale daling van 4000 vt en weer terug. Ons wou graag onder in die canyon oornag maar kon nie plek kry nie. Alhoewel die VSA parkeraad mense dit ten sterkste afraai om af en op op een dag te stap, wou ons hulle verkeerd bewys!

Soos die dag nader gekom het en almal ons afraai om in een dag tot by die rivier en terug te stap het ons saam besluit, ook agv van verwagte temperature van diep in die 40 grade Celsius , om bietjie meer konserwatief te wees en net tot by Indian Gardens op die Bright Angel roete waar daar water op drie plekke is, te stap. Dit is ongeveer 9.2 myl ( 15km) in totaal, met 'n 6000 vt totale daling en stryging wat 'n totale ekwalente afstand van oor die 30 Km beloop, veral inagname die hitte.

Ons dag het toe uiteindelik soos volg verloop:

4h45 Opstaan , toe ontbyt by McDonalds wat 24/7 oop is

6h30 Begin stap

9h00 By Indian Gardens 4.6 myl

9h20 Begin terug stap

12h30 Weer terug bo.

Ons was lekker moeg maar dankbaar dat alles goed afgeloop het en is die Here dankbaar dat hy ons gelei het. Dit was weer duidelik dat hierdie "omgekeerde berg" nie sonder groot respek aangepak kan word nie.

Ons is albei baie bly dat ons ons planne gewysig het want ons sou nie n addisionele 8 myl kon gestap het sonder slegte nagevolge nie

Bertie maak vir oulaas skoene vas